Choix des sections | كفاش نختار ونرتب الشعب لنحب عليهم ؟

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

بش نحكي على إختيار الشعب لتحبو تمشولها ، أول حاجة أنا مغروم بالكورة بش نبسطهاالكم ونشبها بالكورة ، وأي تشابه في الأفكار هو من محض خيال الكاتب émoticône tongueثاني حاجة راي العملية الكلها إحصائيات statistiques & propabilites إلا جماعة بركا مضمنة بلاصتها في الفاك ، شكونهم زعمة ؟ هما جماعة إلي ترتيب متاعهم أقل من عدد المقاعد في الكلية المطلوبة ، بش نفسر ، كلية الطب بتونس تقبل نقولو احنا 200 واحد ملباك سيونس ، وترتيبي أنا 171 دنك نغمض عيني ونحط كان إختيار أكهو مل الاختيارات العشرة وإلا تحب تزيد أمورك ، المفيد عارفها بش تخطفلي 100% ، جماعة هاذم مغير ميكسرو ريوسهم برشة ، هوما الملوك والمصير بيدهم هوما يلعبوا علبطولة ، باهي نخلطو للجماعة الاخرين ويلعبوا على ترتيب ثالث ولا رابع بش إنجمو يلعبو الكاف caf ، و هوما الاغلبية نقولوا ، باهي ، العملية وما فيها ، إنو كي يتحلك site بش تلقى جدول فيه 10 خانات ، إنت بش تكتب كان رمز الشعبة و-automatiquement تطلع إسم المعهد قدامو ، أي و كفاش نحطهم،؟ تحطهم بالاولوية ، ننصحكم ثلاثة اختيارات لوالة حطوهم أعلى من سكوركم ، مش ب-10 نقاط فارق أما 3 ، 4 باهي ، شكون قال تخطفلك بزهرك ، شكون قال سنا برشة عباد ماحبوش يمشولها الفاك متاعك ، دونك لازم شوية خبث خاطر لكلها كيف promosport تنجم طيح بفاك لاخر قبلك في سكورك مخمشي بش احطها ، باهي حطيتهم ثلاثة ، مبعد في الرابعة حط الفاك لحاجتك بيها وسكورك يوصللها ، وأنتي ماشي حتى للعاشرة ، هذاك علاش هي ترتيب تفاضلي ؛ فهمتك خويا ؛ توا كيفاش يعرفو هوما الشي هذا ؟ ماو فما ordinateur يا ذكي ، هو إلي رتبهم ، ناخذو مثال ، medecine تونس فيها 200 بلاصة ، rang متاعك 400 ، بزهرك إنت ، 200 لوالة لكلهم اختاروا medecine تونس ، لا حبو لا dentaire لا prepa ، هوما الملك وأنتي البيدق ، إنت في اختياراتك حطيت medecine تونس لولة ، dentaire ثانية إلخ ، اجي عمك ordinateur اشوف medecine تونس تعبوا البلايص ، اتعدى لي مبعدو ، dentaire مبعدها ، أه! لهنا يحبس ؛ مزال فيها 20 بلاصة ، هاي أعطوهالو مالة ، وتولي dentaire بعدك إنت فيها كان 19 بلاصة ، أوف ضهاهرلي واضحة ، وكلعادة حد منحب يسرقلي كلامي وحطوا في جروبات أخرى إلا بعد ما يحط المصدر من موقعنا ، هذا العمل حصري لموقعنا ، وردوا بالكم تحطوا 10 اختيارات فوق سكوركم سي نون تهبط تلعب على تفادي النزول مبعد في الدورة النهاية .
أي إستفسار اكتبوا في كمنتار لوطا ولا أبعثلنا EMAIL .