1/ الشروط
باش تاخو مبيت لازم تكون المسافة بين داركم و الفاك أكثر من 30 كم ...لولاد عندهم ألحق في عام بركة و البنات عامين ...أما فما حاجة اسمها اسعاف بالسكن يعني ينجم طفل ياخو سكن عامين و لا 3 و البنات 3 سنين .. و ديما البنات يعطيوهم 3 سنين و خاصة تو سنا منجحوش برشا في الباك دونك مفاش ضغط على المبيتات .
--------------------------
--------------------------
2/ضروف السكن :
المبيتات على كل لون ياكريمة فما الطيارة و فما ألي حالة هكاكة أنتي و زهرك ...كل فاك تلقى مبيت تابعها و لا ثنين و لا أكثر ....يعني المبيت يسكنو فيه طلبة من مختلف الجامعات .. و انتي ينجم يجيك مبيت بعيد شوية و واحد آخر يقر في الفاك متاعك يجيه قريب انتي و زهرك ....و ماكش انتي تختار المبيت هوما يعينوك ...و البيوت لكثرية a 2 و a 3 أما فما ألي تلقاهم a 1 و لا a 4 و فما ألي يوصلو حتى a6 أما حلات نادرة ...يحتوي المبيت على سرير و كازيي و طاولة و كرسي لكل طالب ...أما فما مبتات تلقى فاهم مراية و أفابو ..و فما ألي فاهم ويفي و قاعة تلفاز ألخ .....حاصيلو و باش تعرف انتي المبيت ألي تنجم تجي فيه و شنوة جو اسئل حد سكن غادي ...و خاصة تسألو على البلاصة ...سعات المبيت يبدا بعيد برشا وقتها تكري خير ...و آخر حاجة كي تحب تسكن مع صاحبك لازم تمشي معاه نهارت الترسيم و تاخدو بيت مبعضهم ...دونك من تو تعرف على حد و من أمستحسن تكونو فرد جو يعني كان تحب تقرى شوف حد جو قرايا ...و كان تحب تهمل شوف حد متع هملة ...ههه نفدلك و كهو
--------------------------
--------------------------
3/التسجيل :
هاو تو وصلنا لرسمي ....التسجيل يتم على زوز مراحل ...المرحلة الأولى بلانترنات ...تعمل مطلب ...و تقعد تستنى النتيجة ... و المرحلة الثانية بعد ماتطع النتيجة ...تلقى لوراق ألي لازمينك الكل و تلقى زادت وقت تمشي للمبيت ...و تمشي تهز دبشك و تسكن على روحك .....باهي أنا هو الموقع و شنوة الأجال....!!!!!
++++++++++++++++++++++++++
**بون فما 3 حاجات اسمهم ديوان الخدمات الشمال و الوسط و الجنوب ....يعني واحد باش يقرا في سوسة دونك هو تابع ديوان الوسط ....قلت باش "يقرا" موش فين يسكن ..ركزلي على الحكاية هاذي ....كل ديوان يحط تواريخ للتسجيل ...و كل دورة عندها تاريخ متاحها ....حسب خبرتي التواريخ هاكم موش ديما صحاح بضبط ...أما هاو باش نقلكم شفمة تو ...
I) ديوان الشمال
الموقع متاعو
الدورة الاولى
من 18 إلى 22جويلية
الدورة الثانية
من 26 جويلية إلى 30 جويلية
الدورة النهائية
30 جويلية إلى 02 أوت
و النتيجة 17 أوت
و جماعة إعادة التوجيه
من 28 أوت إلى 1 سبتمبر و النتيجة متاحهم 1 سبتمبر
II) ديوان الوسط
الموقع
دورة التوجيه الأولى: آخر أجل للتسجيل بالموقع يوم 20 جويلية 2015.
دورة التوجيه الثانية: آخر أجل للتسجيل بالموقع يوم 28 جويلية 2015.
دورة التوجيه النهائية: آخر أجل للتسجيل بالموقع يوم 03 أوت 2015.
إعادة التوجيه: آخر أجل للتسجيل بالموقع يوم 31 أوت 2015.
III) ديوان الجنوب
الموقع
نفس الشيء كيما دويان الوسط
....بون هل الخرم هذا الكل هاو وسط و هاو شمال .....الكلهم يعملو المطلب في زوز مواقع
موقع التسجيل لجنوب و للوسط هو
و موقع الشمال هو
وقتلي الموقع باش يحل باش تلقاه كيما هكا جماعة الشمال
و باش تلقاه هكا جماعة الوسط و الجنوب :
ملاحظة: كي تجيو تعمرو ..عمرو بدقة و ماتغلطوش و بالعربية ..رغم عارف انو بعد باش يجوني برشا و يقولو """أمان أنا غلط كي جيت نعمر و مانجمتش نبدل شنعمل ""...نعاود و نقول ركزو مليح ....قبل متسجل ...
++++++++++++++++++++++++++
المرحلة الثانية متع تسجيل مالف منحكيش علاها من تو أما ميسالش هاو باش نسبق المراحل ....و قتلي تطلع النتيجة باش تلقى وقتا تمشي للمبيت ...و تلقى ورقة فها المعطيات متعاك اسمها وثيقة الموافقة على السكن
كيما هكا :
...الورقة هاكي تلقى فها الأوراق ألي لازمين باش كي تمشي للمبيت تهزهم معاك ..وهاو لوراق شنوة
الأوراق :
من جملة الأوراق هاكم فما شهادة ترسيم في الفاك هاكي تو تخرجها من النات وقتلي تخلص الفاك ....مزاااااال بكري باش تسألوني علها و تو بعد بسر التسجيل في الفاك بالتفصيل و هي تبدا كيما هكا
ورقة التسجيل في الفاك :
.... و فما شهادة طبية....بون مديدة أخرى ...باش تمشيو للمعهد و دجا فما شكون مشا ، تاخذو الدفتر الصحي و بعد تمشاو لمستوصف أو سبيطار أو غاذي تلقاو طبيب في المعهد (اسألو المدير )، يعدي عليكم طبيب و يعطيكم شهادة طبية ..الدفتر الصحي باش تعطيوه لفاك مبعد و الشهادة الطبية للمبيت و في التصويرة هاذي تلقاو أكثر معلومات...بون منغير مانحرقو المراحل هذا الكل مزال بكري عله و تو نعاود نفسرو ....
مثال لدفتر الصحي :
أكثر معلومات على الدفتر و الفحص الطبي
--------------------------
--------------------------
4/التعريفة:
أول ماتدخل للمبيت تخلص 60.200 و بعد في جانفي 30.00 و في أفريل 30.000 و آخر العام كي متضيعش التوصيل متاعك و متعملش مشاكل في المبيت يرجعولك 20.000
--------------------------
--------------------------
5/جماعة أعادة توجيه : (مهم جدا )
ألي باش يعمل اعادة توجيه يعمل تو مطلب على نات و بعد كان قبلوه يعمل مطلب آخر....و عندكم اجال متاعكم ...خاطر كان متعملش تو مطلب و ماقبلوكش في أعادة التوجيه ..وقتها ضاع عليك المبيت
--------------------------
--------------------------
6/المبيتات الخاصة :
لنا تلقاو بعض المبيتيات الخاصة في مختلف الولايات ...موش الكل أما البعض..و منغير متقلي شبيك ماحطيتش متع ولاية ...... خاطر كان عندي راني حطيت ..
و هذا رابط آخر فيه المبيتات الجامعية الخاصة
**الشمال
و فما مبيتات غير مرخصة
**الوسط :
**الجنوب :
--------------------------
--------------------------
7/النتيجة :
النتيجة متع المبيت ماهيش فرد وقت كيما جماعة شمال و الوسط و الجنوب ....أما أكيد باش تكون بعد 17 أوت ...دونك تو تعملو مطلب و يامنعاش ...و تو أنا نعملكم فيديو نهار آخر على حكاية الأوراق نفسرهم بدقة كاملة و نعطي المعلومات اللازمة ....
--------------------------
--------------------------
8/آخر حاجة :
كان عجبك المقال برتاجيه مع أصحابك إحتراما لمجهودنا :) وكان تحب تستفسر على حاجة حط كومانتير لوطا وشكراً
0 commentaires: