Remarques Concours Reorientation Mars 2016 | ملاحظات على إعادة التوجيه مارس 2016

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

ملاحظة 1 : قلتها قبل في مقالاتي  و نزيد نأكد علها ....اذا انتي معمل على أعادة توجيه ماتخليش روحك في risque متع اختيار فقط .....أعمل برشا اختيارات في مختلف الجامعات ...أعمل حتى اختيار ماتحبوش برشا برشا ...المهم انتي تو تعمل برشا اختيارات ....مبعد في الصيف تختار ، كان تحب تقرا القراية الجديدة و لا تكمل في قرايتك ....تنجم مثال انتي تقرى فيزياء في صفاقس و عملت أعادة توجيه في تونس أعلامية و زادت عملت أعادة توجيه تصرف في نابل ....مبعد مانجحتش في تونس و نجحت في نابل...لكن انتي ضهرلك باش تكمل في صفاقس فيزياء ....، خلاصة القول ماختليش روحك في risque اختيار فقط بعد تندم ...لانو أعادة توجيه هي "توفير الفرص " و في الصيف "يقع الأختيار " ...ميساج واضح . بالله حاجة أخرى راو في الصيف فماش ""أعادة توجيه مع جماعة باك 2016 بالسكور " هل معلومة الغالطة هاذي أنساوها .....في الصيف فما نقلة من فاك افاك أما في نفس الاختصاص و حالااات نادرة جدا متع أعادة توجيه هذا الكل نفسرو في الصيف موش تو ...شكرا

ملاحظة 2 : بالنسبة للجوابات ... بعض الجامعات تطلب من جملة الوراق جوابات ....ساهلة برشا ...تاخو زوز جوابات صغار من مكتبة أو poste أو حتى حماص...و تاخو تنابر من المستحسن بو 1.3 dt ....و تكتب علاهم اسمك و لقبك و عنوان داركم ....و تاخو جواب كبير تحت فيه الأوراق الكل و تكتب عله عنوان الجامعة و مناظرة أعادة توجيه ...و تبعثو مضمون الوصول ... الجواب هكا لل poste قولهم باش نبعث جواب مضمون الوصول كيفا نعمل ....تو يقولولك كيفا .... شكرا (قريب باش نفسرلكم كيفا تلصق التنبري على الجواب )

أنا قلت من "المستحسن " ، لكن اذا عملت زوز جوابات ب 250 تنبري ، فما جامعات تقلقك ..تحب 3 جوابات واحد فاهم مضمون الوصول معناها واحد بو 1.3 dt...و أنا قلت من المستحسن بو 1.3 dt باش كان يبعثولك الاستدعاء مبعد أو ورقة النجاح تبدا مضمونة الوصول ...و شكرا

ملاحظة 3 : نصيحة : كي تبدا انتي عندك شك في كونكور أو اختصاص و مازلت ماكش عارف قدى من اختيار باش تعمل .....أعمل أكثر ماتنجم ...خاطر راو الأختيار يصير مبعد ..تو جيست تعدي كونكور مبعد تختار مابين قرايتك القديمة و الحاجات ألي نجحت فاهم ...دونك عدي برشا حاجات باش مبعد ماتندمش كيما ندم غيرك و بعد جاني يبكي كيما كل عام .

ملاحظة 4 : في شكل إجابة على اسئلة قاعدين يتعاودو بخصوص التسجيل و مانيش فاهم علاش ماهمش واضحين !!

1- العنوان أثناء السنة الجامعية ؟

يعني انتي في سبتمبر كي مشيت تقرى وقتها فين تسكن ؟ مبيت و لا في داركم و لا كاري دار ...تحت العنوان متع البلاصة ألي سكنت فها بقطع النظر كانك عامل سنة بيضاء أو لا

2-الوضعية الجامعية ، راسب ، جديد ، تأجيل ، وضعية أخرى ..

كان انتي باك 2014 و باش تعدي كونكور أكيد معناها تقرى سنة أولى سنا و مدوبل عمناول دونك تحط راسب

كان انتي جبت تسجيل متاعك معناها تحط تأجيل

كان انتي مجبتش تسجيل متاعك معناها تحط جديد

و كان انتي معملتش تسجيل اصلن أول عام تحط وضعية أخرى

3- نجم نجبد تسجيل تو ؟

باش تجبد تسجيل تو لازمك سبب صحي ..شهادة من طبيب نفسي أو أعصاب أو مستشفى ....أما حتى ماكش جابد التسجيل تنجم تعدي كونكور و دجا كي تنجح في الكونكور و العام الجاي تمشي تقرا في القراية الجديدة تتسمى طالب جديد و ماكش مدوبل

4- الأسئلة الأخرى بخصوص الكونكور و قدا ندفع على كل كونكور و التسجيل ألخ ....مجاوبن علاهم في مقالات اخرا في هذا الموقع ... أعمل بحث  تو تلقا ...بعد متشوف هاكم الكل و فما حاجة مفهمثهاش مرحبا وكتب كومانتير عن طريق الفايسبوك لوطا  و شكرا