Tous les types des Reorientations vers les facultés en Tunisie | كل أنواع إعادات التوجيه في الكليات في تونس

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

**فما اعادة توجيه في الصيف ؟في الحقيقة مفماش أعادة توجيه في الصيف ، لانو في الأعلانات ألي يهبطو في مواقع الجامعات يقلك "" نقل في نفس الشعبة أو الاختصاص فقط " و يقلك "" أي ملف لتغيير الشعبة يقع رفضه " ، لكن فما حلات يقبلو فاهم الأعادة توجيه بالملفات .... يعني انتي تعمل ملف و تجرب زهرك ...أما فقط فما جامعة المنستير هي تقول أنها تقبل أعادة توجيه بالملفات 
------------------------
**الحالات ألي يقبلو فاهم أعادة توجيه :الحالات هوما وقتلي مثال واحد جايب 14 في الباك و بعد عدا سنة بيضاء أو ماعجبتوش قريتو ، و يحب يبدل و يطلب حاجة سكورها متع واحد جايب 11 و 12 معدل ...يعني مستوا متاعو خير من مستوى الطلبة ألي في الشعبة هاكي وقتها فما أمكانية انو يقبلوه ....و أمكانية 20% زادت .يعني أهم شيء هو مستوى متاعك و معدلك في الباك يكون عندو دور و أيضا الملف ألي باش تعملو .....و تو كي يهبطو الأعلانات تلقاو الكلام ألي قلتو في السوآل ألي قبل هذا .انو في الصيف فما نقلة في نفس الاختصاص و مايحكيوش على أعادة توجيه ... دوونك اعادة توجيه بالملف صعيبة برشاا ...الى في الحالة ألي قلتلكم علاها أو أكتاف أو واحد يمتشي يتصل مباشرة بالوزارة أو الجامعة كي تبدا عندو ضروف خاصة برشا و لازمو يبدل القراية أما ألي يحب يجرب و- يعمل ملف ....يجرب دجا بلاش فلوس الملف و بالك يقبلوه ...و لا كيما قلت انتي جايب في الباك معدل خير برشا من الحاجة ألي تحب تبدلها ........و أيضا . فما حالة أخرى عندهم أكثر فرصة جماعة prépa .......لانو دجا في البربا لو ترسب سنتين يقع توجيهك لشعبة علمية اجازة في أحد كليات العلووم .، يعني واحد يقرا prépa ينجمو يقبلوه في شعبة في كلية العلوم حسب عد البقاع و معدلو في الباك و سكور الشعبة ...ألخ ....و كيما قلت في كل الأحوال تنجم تجرب و كهو .و زادة لازم ماتشرطش برشا مثال انتي تحب أعلامية اعملها في بلاصة بعيدة ...وسط أو جنوب موش طلب مثال ISI اريانة ألي سكورها 150 ...فما لوجيك في الحكاية 
--------------------
**ملف اعادة توجيه ؟نفس الأوراق كيما النقلة و لازم تكتب مطلب بخط يدك و تعرف كيفا تكتب المطلب ، و لكن في اعادة توجيه تجم تصب ملف في الجامعة و تصب ملف في الفاك ألي حاشتك بها ..أبعثلهم بلباريد ...ماكش خاسر شي . 
لهنا مقال النقلة http://www.orientation-universitaire.tn/2015/08/generalites-mutation-sur-dossier.html
---------------------
**أعادة توجيه مع جماعة الباك :السوآل هذا أنساوه ...حاولو تجنبوه خاطر فماش أعادة توجيه مع جماعة الباك ..لانو هل من المنطقي تتوجه مع عباد معديتش معاهم نفس الأختبارات .....
---------------------
**أعادة توجيه مارس : أي واحد باك 2015 مازال عندو ألحق في أعادة توجيه في مارس 2017 أما لازم تبدا سنة أولى في الفاك بش تعرف أكثر معلومات على كونكور مارس 2017 إنزل لهنا
---------------------
**كان قبلوني في أعادة توجيه في الصيف ؟لو فرضنا قبلوك في أعادة توجيه في الصيف بالملفات و انتي مدوبل السنة أولى في الفاك متاعك دونك تتقيدلك مدووبل
----------------------
**تنائج أعادة توجيه :النتائج تهبط مخر برشا ....أول سبتمبر و حتى ساعة بعد ماترجع تقرى ...دونك أي واحد باش يقدم مطلب يقعد مايعملش تسجيل حتى لاخر لحظة يشوف النتيجة
---------------------
**بورص و مبيت كي يقبلوني في النقلة :وقتلي يقبلوك في النقلة تمشي لدوان الخدمات و يعطيوك مبيت جامعي و تعمل زادت مطلبة متع بورص
-----------------------
**شنوة لازم نعمل تو : ألي لازمك تبدا تحضر أوراقك و عمل منهم نسخ عادية و تعمل برشا ملفات بعد صب في برشا بلايص و انتي و زهرك 
---------------------------
** فازة هدية من عندي : كان انتي تبدا ذكي ....و متبعني في التوجيه من أيمات الباك و فاهم ألي موش الفايدة تقرى في تونس ...الفايدة تقرى حاجة تحبها و تفوق فها ...تنجم مثال انتي تحب الأعلامية ...و تحب تعمل أعاد توجيه غادي ....أمشي ملا صب في مدنين ، في قابس ...هكاكة يبدا عندك فرصة باهية خاطر الناس الكل ميصبوش فم ...و بعد أقر عام و نقل لوين تحب ....كون ذكي ...و ما تتشرطش

كالعادة كان عندك سؤال اكتبوا في كومنتار لوطا في DISQUS تو تجيني نوتيف ونجم نجاوبك