J'ai reussi mon Concours Mars et Apres? | نجحت في كونكور إعادة التوجيه مارس وإمبعد ؟

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

سلام ...كيما قلتلكم باش نفسر المراحل ألي مازالو و نوضح برشع حاجات...جيست صبر كهو ...بون أنا حبيت نستنى جميع الجامعات لكن فما جامعات وخرو برشا كيما تونس ...أما أكيد الجمعة الجاية الناس الكل يكملو ..حاصيلو أنا تو باش نفسر المراحل و برشا حاجات...دونك كل شيء باش يكون واضح :

-----المراحل : *العباد ألي تقبلو في أعادة توجيه بصفة آلية أو بلكنوكور ...فما ورقة هي ثتبت نجاحك في الكونكور و قبولك في الفاك الجديد الورقة هاذي مهمة برشا ....هاذي فما جامعات يبعثوها عن طريق البريد و يبعثو مخر ...و فما جامعات لا ...لازم انتي تمشي تجيبها من الجامعة و هو من المستحسن تمشي تجيبها ....و تنجم تمشي أكيد في أي وقت ...بون زيدو هكاكة جمعة أخرى بعد أتصلو بالجامعة عبر الهاتف و شوفو الورقة حضرت أو لا و أمشيو جيبوها . الورقة هاذي تنجم تجيبها وقتلي تحب و تقعد موجودة في الجامعة ...و كي واحد يتحصل علها ييكتب تعليق لوطا بش لكيفك يستفاد .

*بعد ماتجيبو الورقة هاذي ..تمشيو لجامعة القديمة ، تهزو نسخة مطابقة لاصل من الورقة هاذي و تاخذو شهادة مغادرة و الملف الصحي ألي عطيتوه أو العام ...(الحكاية هاذي فما بعض الفاكات يقلك أرجعلي آخر الصيف ....و فما ألي يعطيك تو ... و في كل الحالات تخلي آاخر الصيف و لا تو كيف كيف ..... )

*بعد ماتاخذو شهادة المغادرة و الملف الصحي ... ....فما مرحلة ألي مبعد هي التسجيل على الموقع ...inscription.tn ....الموقع هذا كل واحد و وقتا يتحلو ينجم يتحلق آخر جويلية ، ينجم نص أوت ، ينجم آخر أوت ، ينجم أول سبتمبر ..المهم قبل العودة الجامعية...و كي يتحل الموقع تلقى الفاك القديمة و الفاك الجديدة أو الفاكات الجدد كان نجحت في برشا كونكورات . و تختار ألي تحب عليه وقتلي تجي تخلص ....و حاجة أخرى الموقع ينجم يتحل و تلقى من الأول الجامعة القديمة و مبعد تو تتزاد الجماعة اجديدة ...

*بعد مايتحل الموقع و تعمل تسجيل ...بعد كيف عمناول تستنى في موقع الفاك متاعك الجديدة وقتا التسجيل و تمشي تسجل على عين المكان و الأوراق كيف عمناول لكن باش تزيدهم شهادة المغادرة و يمكن يطلبو عليك ورقة القبول في الكونكور ألخ ...حاصيلو عملية ساهلة برشا

*آخر حاجة تقرى على روحك

ملاحظة:
+النتيجة ألي طلعت في الموقع كل جامعة و كيفا ...لكن في أغلب الاحيان لازم ورقة التعيين من الجامعة ....لكن باش تتأكد أكثر تكلمهم بالهاتف كيما فسرت مدة أخرى ....ينجمو يقولولك ألي في الموقع تكفي ....أو يقولولك يحضرو في الصيف ...أو نبعثو بالبريد ...كل جامعة و جوها
+ الورقة متع النجاح في الكونكور رد بالك تضيعها راهي مهمة حتى لنهار آخر كان باش تقدم هندسة ...
+راو مافما شيء مزروب....أنا مثال كان جيت في بلاصتكم ...أخر ماي نكلم الجامعة و نسألهم اذا حضرو وراق التعين ....و بعد نمشي نجيبها و يامنعاش آاخر أوت نمشي لفاك القديمة نجيب وراقي و بعد بعمل تسجيل في عقلي
+وقت التسجيل يطلبو ساعات بطاقة الأعداد ....متع العام الاول في الفاك .....بون هي ماهيش ضرورية برشا خاطر انتي عامل أعادة توجيه ...أما كي تمشي لفاك تاخو شاهدة مغادرة في آخر أوت شوف كان عندك بطاقة أعداد متاعك خوذها ...و كان ملقيتش موش لازما ...و كان انتي دجا سيا خذيت شهادة مغادرة و دفتر صحي دونك موش لازم ترجع لفاك على بطاقة أعداد ""(راني نحكي على لعباد ألي معملتش سحب ترسيم و كملت تقرا و لا بطلت منغير متسحب التسجيل )""....أما لعباد ألي عملت سحب ترسيم تهز نسخة من سحب الترسيم نهارت التسجيل بالك يطلبوها عليكم ......هذا الكل خاطر في الأعلانات متع التسجيل في المواقع ...يطلبو من الطلبة القادمين من موئسسات أخرى بطاقة أعداد ألسنة الجامعية الفارطة

---بورص :أي واحد عمل أعادة توجيه و تقبل يقعد يتمتع بلبورص و العام الجاي زادت كيفكيف عندو ألحق و في الصيف فما حاجة اسمها تجديد تو كي يجي وقتها نهبط الرابط

---مبيت:كيفيف تنجمو تتمتعو بالمبيت العام القادم تعمل تجديد سكن و وقتلي تدخل للموقع تلقى أسم الفاك الجديد أو تختارها و كيف كيف تو يجي وقتها نهبط الرابط

---استفسارات :*أي واحد عمل أعادة توجيه و نجح العام الجاي كي باش يقر في القراية الجديد يتسمى كاينو باك 2015 
*كان فما شكون قاعد يقر تو ...و يحب يكمل امتحانات و هو دجا ناجح في أعادة توجيه ...يكمل على روحو و مبعد يختار شنوة يحب في موقع التسجيل ....يحب يكمل قرايتو و يكمل سنة ثانية أو سنة يمشي سنة أولى في القراية الجديدة 
*فما شكون باك 2014 و معملش تسجيل في حتى جامعة أول العام ....هكا مايستحقش لا شهادة مغادرة و لا شي فقط يعمل تصريح على الشرف و ورقة نجاحو في الكونكور وبالطبيعة الملف الصحي ألي عندو منو 
*ألي نجح في أعادة توجيه و نهار آخر باش يقدم في مرحلة هندسة (كان بالطبيعة كان من الأوائل ) فما 5 نقاط ينقصولو من السكور ...
*ألي عمل أعادة توجيه و نجح مايتسماش مدوبل و ماتتقيدلوش مدوبل في dossier متاعو
*أي واحد نجح في الكونكور مايستحقش سحب تسجيل خاطر هو مايتسماش مدوبل و زيد سحب تسجيل تو 98% مستحيل تو . 
*مفماش قائمة attente في أعادة توجيه 
*فما جامعات تهبط des listes متع ألي نجحو و فما ألي كل واحد يشوف بالرقم متع بطاقة تعريف و ميهبطوش liste كيما منار مثال

كل شيء واضح نورلمالمون و حكيت على كل شيء ...اذا واحد عندو مشكل أو استفسار آخر ...ينجم يتصل بالجامعة أنا ألي عندي الكل و ألي نعرفو قلتو ....