Generalites : Mutation sur dossier | كيفاش نعمل نقلة في الصيف والشروط والوثائق اللازمة ؟

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

سلام عليكم ...و أخيرا هاني باش نفسر حكاية النقل و اعادة توجيه ألي في الصيف ألي تصير بالملفات ...لكن لازم نتفقو على حاجة انو ألي باش نكتبو لنا هكا ألي نعرفو.. زيد المقال هذا بش يكون standard و كل واحد لازمو اجتهاد و يخدم طرف مخو باش يعرف دونك واضح الميسجات على EMAIL الموقع ولاو برشا و بصراحة يقلقونا خاصة أني نفسر كل شيء في المقال هذا بإسم ADMIN1..و وقتلي يجي وقتها الحكاية هاذي تو تزيديو تفهمو ....

أول حاجة نبدا نحكي على النقلة :

**ما معنى نقلة بالملفات ؟

النقلة هي الطالب يبدل من فاك لفاك أخرى في نفس الشعبة أو الأختصاص و ألا اختصاص مشابه ....ييعني تبدا نفس الشعبة و حتى كان موش نفس الاختصاص زادة نورمال ...لكن نفس الشعبة .

**هل النقلة تشمل جميع الشعب ؟

نعم تقريبا تشمل جميع الشعب لكن فما مثال عمناول ISET ألي موجدوين في الشمال ماقبلوش حتى ملف متع نقلة ..و لكن واحد ينجم يجرب و كهو

**من يقوم بالنقلة ؟

أي طالب عندو ضروف أجتماعية أو صحية و يحب يعمل نقلة باش يقرب لمقر السكنى متاعو هو ألي ينجم يعمل نقلة أو طالب عندو ضروف أو مشاكل في الفاك ألي يقر فها باش يبدل أو زادت طالب يحب يقر في فاك أخرى المستوى فاها يكون خير لانو شاف روحو مستوا متاعو قوي ...و غيرها من الاسباب

**متى تجرى النقلة ؟

النقلة تصير مابين آخر جوان حتا آخر جويلية و كل جامعة و الأوقات متاعها ...بالضبط كيما أعادة توجيه متع مارس  ....

**كيفا نعمل النقلة ؟

النقلة تصير عن طريق تصب ملف متاعك في الجامعة ...مثال انتي حاشتك باش تنقل ا ISG تونس ...دونك تصب الملف في جامعة تونس ، يعني تعمل dossier فيه الأوراق اللازمة و تبعثو لجامعة عن طريق البريد مضمون الوصول .. و تنجم تعمل العديد من الملفات ..يعني تبعث لجامعة تونس واحد و جامعة قرطاج واحد و منار واحد ألخ ....

**كيفا نعمل الملف هذا ؟

مدة أخرى و كل جامعة تهبط اعلان متع النقل ، تلقى فيه الأوراق ، و الفكات ألي تقبل النقل و وين تبعث dossier ...تقريبا كيما أعادة توجيه مارس ، جاني باش نقللكم تقريبا شنوة الأوراق ألي تحضروهم في الملف

++الأوراق العادية :نسخة من كشف أعداد البكالوريا
نسخة من شهادة تأجيل الترسيم عند الاقتضاءة
نسخة من كشوف الأعداد المتحصل عليها خلال الدراسات الجامعية
نسخة من آخر ترسيم جامعي
نسخة من بطاقة التعريف الوطنية
ظرفان خالصا معلوم البريد يحملان عنوان المترشح و الترقيم البريدي
برنامج الدراسات بالمؤسسة الأصلية بالنسبة للنقل الخاصة بالطب، الصيدلة وطب الأسنان في صورة توفره
++الأوراق الأجتماعية -بطاقة علاج مجاني
بطاقة علاج ذات تعريفة منخفضة
بطاقة إعاقة
مضمون وفاة أحد الوالدين
نسخة من حكم طلاق الوالدين
مزمن شهادة تثبت إصابة أحد الوالدين بمرض
بطاقات أعداد الإخوة التلاميذ
شهائد الترسيم للإخوة الطلبة
شهادة في الخصم من المورد
شهادة بيانية في الأجر
ما يثبت عمل أحد الوالدين بالخارج
عقد زواج وشهادة عمل أحد القرينين للتقريب بين الأزواج
وثيقة رسمية تثبت أن المعني بالأمر أحد أبناء جرحى أو
شهداء الثورة
أية وثيقة أخرى من شأنها إثبات الحالة الاجتماعية
شهادة اقامة

++الأوراق الصحية أي وثيقة أو ملف صحي ثثبت أن طالب يعاني من مرض مزمن أو مرض يطلب العناية أو مرض نفسي أو مرض خطير أو مرض منذ مدة ألخ ..من الوثائق الصحية

++أوراق أخرى أي ورقة أخرى كيما مثال بوك مريضه أو تعمل مطلب مكتوب باليد يصحلك فيه العمدة يدل على انكم تعانيو ضروف صعبة أو أنك مشارك في جمعية رياضية أو خيرية أو أنك تخدم باش تعاون داركم ألخ ..هذا الكل تنجم أتحطو

**حظوظك في القبول :

الأختيار يصير حسب الملف ..يعني كي يكون ملف مدعوم بالوثائق يكون عندو نسبة كبيرة في القبول ، و زادت فما حسابات آخرى تدخل فها هي البلايص الموجودة في المعهد ألي تحب تمشيلو ...زادة موش يبدا واحد ناجح بالاسعاف في الباك و مدوبل في النسة أولى جامعة في الفاك متاعو بعد يحب يمشي IHEC ..لهنا الفاك تقلك مايساعدنيش نطيح من مستوى المعهد متاعي ...دونك فما شوية لووجيك في الحكاية . و ينجم واحد يكون مدوبل و ينقل و لكن كي يبدا ناجح تكون فرص القبول متاعو أكبر ، نفس الشيء كي يبدا عامل سنة بيضاء

**كي نعمل نقلة نتعدى سنة ثانية و كان مدوبل كيفا ؟

أي طالب عمل نقلة و هو ناجح في المعهد متاعو يتعدى سنة ثانية بالطبع و لكن كانو مدووبل ييعاود سنة أولى و يتقيد مدوبل و كان عندو مواد هاززهم و يبداو نفس المواد ألي قراهم في الفاك القديمة موجودين في الفاك الجديد ميعاوذمش ....

****نجم نبدل من اجازة تطبيقية الى اجازة أساسية ؟

أي تنجم و بنفس الطريقة و في الحالة هذي لازم تكون ناجح و من المتوفقين باش
هكاكة يبدا عندك chance و يقبلوك

توا باش نحكي على أعادة توجيه ألي في الصيف بالملفات :

**فما اعادة توجيه في الصيف ؟

في الحقيقة مفماش أعادة توجيه في الصيف ، لانو في الأعلانات ألي يهبطو في مواقع الجامعات يقلك "" نقل في نفس الشعبة أو الاختصاص " و يقلك "" أي ملف لتغيير الشعبة يقع رفضه " ، لكن فما حلات يقبلو فاهم الأعادة توجيه بالملفات ....

**الحالات ألي يقبلو فاهم أعادة توجيه :

الحالات هوما وقتلي مثال واحد جايب 14 في الباك و بعد عدا سنة بيضاء أو ماعجبتوش قريتو ، و يحب يبدل و يطلب حاجة سكورها متع واحد جايب 11 و 12 معدل ...يعني مستوا متاعو خير من مستوى الطلبة ألي في الشعبة هاكي وقتها فما أمكانية انو يقبلوه ....و أمكانية 20% زادت ....أما كان انتي ماتتوفرش فيك الشروط هاذي ننصحك منغير متكسر راسك و تعمل دومند ماهمش باش يقبلوك .....و تو كي يهبطو الأعلانات تلقاو الكلام ألي قلتو في السوآل ألي قبل هذا .انو في الصيف فما نقلة في نفس الاختصاص و مايحكيوش على أعادة توجيه ... دوونك اعادة توجيه بالملف صعيبة برشاا ...الى في الحالة ألي قلتلكم علاها أو أكتاف أو واحد يمتشي يتصل مباشرة بالوزارة أو الجامعة كي تبدا عندو ضروف خاصة برشا و لازمو يبدا القراية أما ألي يحب يجرب و- يعمل ملف ....يجرب دجا بلاش فلوس الملف و بالك يقبلوه ...و لا كيما قلت انتي جايب في الباك معدل خير برشا من الحاجة ألي تحب تبدلها ........و أيضا . فما حالة أخرى عندهم أكثر فرصة جماعة prépa .......لانو دجا في البربا لو ترسب سنتين يقع توجيهك لشعبة علمية اجازة في أحد كليات العلووم .، يعني واحد يقرا prépa ينجمو يقبلوه في شعبة في كلية العلوم حسب عد البقاع و معدلو في الباك و سكور الشعبة ...ألخ ....و كيما قلت في كل الأحوال تنجم تجرب و كهو .

**ملف اعادة توجيه ؟

نفس الأوراق كيما النقلة

**أعادة توجيه مع جماعة الباك :السوآل "التافه "" هذا ...حاولو تجنبوه خاطر فماش أعادة توجيه مع جماعة الباك ..لانو هل من المنطقي تتوجه مع عباد معديتش معاهم نفس الأختبارات .....

**أعادة توجيه مارس :أي واحد باك 2014 مازال عندو ألحق في أعادة توجيه في مارس 2016

**كان قبلوني في أعادة توجيه في الصيف ؟لو فرضنا قبلوك في أعادة توجيه في الصيف بالملفات و انتي مدوبل السنة أولى في الفاك متاعك دونك تتقيدلك مدووبل

**تنائج أعادة توجيه و النقل :النتائج تهبط مخر برشا ....أول سبتمبر و حتى ساعة بعد ماترجع تقرى ...دونك أي واحد باش يقدم مطلب يقعد مايعملش تسجيل حتى لاخر لحظة يشوف النتيجة واحنا كتبنا مقال عليهم كل مرة نوفوكم بالجديد ؛ إنزل لهن بش تبع النتائج 

**بورص و مبيت كي يقبلوني في النقلة :وقتلي يقبلوك في النقلة تمشي لدوان الخدمات و يعطيوك مبيت جامعي و تعمل زادت مطلبة متع بورص

**أنا عملت أعادة توجيه في مارس 2015 و نجح نعمل نقلة ؟

لا ....العام الجاي تعمل بعد ماتقرا عام ساعة .

كهو نورمالمون كل شي واضح ، جاوبت على العديد من الأسئلة و هذا ألي نعرفو الكل ...و وقتلي يهبطو الأعلانات على مواقع الجامعات نهبطلكم في الموقع بإسم ADMIN1 و بالتوفيق ..(كيما قلتكلم الميسجات على EMAIL الموقع كي نلقى حالة خاصة أو حاجة نسيت محكيتش علها نجاوب ....غير ذلك لا ...وإلى تنجموا تكتبوا تعليق لوطا في صندوق التعاليق )