Fautes a eviter Concours Mars 2016 | أخطاء يجب تجنبها في كونكور مارس 2016

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

سلام ...بالسنبة لاخطاء ألي وقعت لبعض العباد في التسجيل عبر المواقع متع الجامعات ...أول حاجة لازم تعرف أنك انتي عملت الغلطة و تتحمل مسئوليتك ....ثاني حاجة هاني باش نعطيكم حلول كيفا تنجمو تصلحوهم بحكم تجربتي حسب نوع الخطء :

1) غلطة في الاختيارات أو ترتيبهم :

فما مواقع تعطيك أمكانية باش تصلح الأخطاء متع الاختيارات ، و فما مواقع لا ...في الحالة هاذي فما حل برك وهو الأتصال ب الجامعة ، عبر الهاتف ، خاصة منها المنار ، و تعطيهم رقم بطاقة تعريف و يفسخولك التسجيل متاعك و تعاود مرة أخرى ...، أما مشيش تعاود تغلط ؟؟ ،

2) تسجيل موجود في موقع منار :

في الموقع المنار ، ساعات كي تجي تعمل تسجيل يطلعلك ميساج فيه رقم بطاقة تعريف متاعك ...الميساج هاكا معناها انتي راك عملت دجا تسجيل فيه الموقع و دخلت رقم بصمة أما انتي نسيت ، و يمكن رقم البصمة ألي دخلتو وقتها غالط و نسيتو دونك معادش تنجم تعمل حتى شي ...دونك كيف كيف تكلم الجامعة

3) غلطة في المعطيات :

كي تبدا عامل غلطة في المعطيات متاعك ، أسم ، لقب ، عنوان ، ألخ .....لهنا موش مشكل تنجم تبدلها ب stylo كي تخرج الورقة أو كانك تفهم في info تبدلها ب code html ...

4) الحل الأخير :

التسجيل على الانترنات ، هو عبارة باش تعمر ورقة و تخرجها ، يعني في عوض ماتعمر ورقة ب stylo كيما بع ض الجامعات ، أهوكا يعطيوك أمكانية تعمرها على الموقع ...اذا كلمة الجامعة و ملقيتش حل معاهم و لا مهزوش عليك و الوقت متع التسجيل قريب يوفا وقتها فما حل متع واحد يفهم انفو و ديما نعمل فيه كل عام و يمشي مريقل ..لكن الحل هذا يبقى آخر كرتوشة ...و رقم الجامعة تلقاوه على الموقع متع الجامعة شكرا

ملاحظة: فما جامعات تعمل تسجيل ب stylo ...يعني تخرج ورقة و تعمرها ب stylo ...دونك منغير ماتنفخولي قلبي و واحد يبدا مثال باش يعمل أعادة توجيه في منوبة و منوبة فهاتسجيل ب stylo و يجي يسأل ""وينو التسجيل في الأنترنات لجامعة منوبة " ..شكرا