نصائح التوجيه شعبة علوم الاعلامية
السلام عليكم و رحمة الله و بركاته
لقد قمت بكتابة موضوع حول نصائح التوجيه الجامعي و لقد كان موجها لجميع الشعب يمكنك ان تقراءه انت ايضا فقد يكون مفيدا لك و بصفة انني كنت طالب بكلوريا علوم الاعلامية سابقا و لدي خبرة بسيط حول التوجيه الجامعي لهذه الشعبة التي اكتسبتها من خلال تجربتي و تجربة اصدقائي اردت ان اكتب هذا المقال حيث سيكون موجها لتلامذة هذه الشعبة.
اولا المرحلة التحضيرية ان كان معدلك فوق ال 14 ( انت و المعهد احينا حتى ب 11 معدل تنجم ) يمكنك اختيار :
Prepa
سوى MP او PC رغم انه غير منصوحة بها لل Bac Info و السبب انو هذا التوجيه يلزمو ياسر خدمة ! بمعنى انو على الاقل لازمك تخدم 4 سوايع في النهار بخلاف الخدمة في العطلة … مانيش نقول انو مستحيل مش تنجح فها لكن لازمك تكون تعرف على شنوا قادم فان كنت متميزا في الفيزياء و الرياضيات و مقتنع بهذا التوجه يمكنك اختيار ال prepa لكن عليك ان تعرف انك ستدرس على الاقل مع 300 طالب اخر من شعبة الرياضيات و العلوم الطبيعية … و بالتالي عليك ان تبذل مجهود اكثر منهم لتدارك ما لم تدرسه في السنوات الفارطة فرغم انه عن نفسي اخترت نظام LMD لاحظت ان الشعب الاخرى افضل منا في مادة الرياضيات و لكن حتى تميزهم هذا لم يسمح لهم باخذ اعداد جيدة ( حيث اني جبت 3 معدل في ال analyse و اكثر واحد جاب 7 ) اي انه صحيح هذه المادة صعبة لكن على الاقل هناك مواد كالبرمجة و نظام التشغيل … مواد يمكنني ان اتدارك بها بينما في ال prepa ليس هناك الا الرياضيات و الفيزياء هناك مادة علوم الاعلامية لكنها ضرب 3 لا تؤثر كثيرا مقارنة ببقية المواد مع العلم ان ال Bac Info سيجدون نفسهم افضل بقليل في مادة الفيزياء لهذا قبل ان تؤخذ قرار عليك بان تتاكد من قدرتك على النجاح في هذه المرحلة حيث ان افاق المرحلة التحضيرية جيدة مقارنة بنظام LMD ففي السنة الثانية ستقوم بمناضرة وطنية لدخول مدرسة المهندسين و حتى ان لم تنجح ستخرج بشهادة تقني سامي في سنتين عوض عن ثلاث سنوات لواخترت نظام LMD.
هناك حل اخر لدراسة مرحلة تحضيرية و يناسب شعبة علوم الاعلامية و انا حقيقة انصح به و هو دراسة مرحلة تحضيرية MPI اي مرحلة تحضيرية في الرياضيات و الفيزياء و علوم الاعلامية يمكنك قرائة هذا الموضوع لتعرف اكثر حول هذه المرحلة : مرحلة تحضيرية MPI و ملخص لما قلته في ذلك الموضوع ان هذه المرحلة ليست موجودة الا في معهدين في تونس فان كان معدلك 18 او 17 او 16 او حتى 15 (لان كل سنة يختلف الطلب حسب عدد المقاعد و نسبة النجاح … لكن تقريبيا يجب ان تكون نقاطك فوق 150 ) انصحك بالذهاب الى ال :
INSAT
تدرس عامين و حسب معدلك تتوجه يا اما : ingénieurat génie logiciel او ingénieurat administration réseau مرحلة هندسية تكون على مدى 3 سنوات في ال insat ما تعديش مناضرة وطنية كيما بقية المدارس التحضيرية و انما concours sur dossier اي حسب معدلك و قداش هزيت من crédits نسبة الناجحين بين 70 % و 75% .. انت و المقاعد و عدد الطلبة لكن اذا ما نجحتش تخرج بشهادة تقني سامي
ان كان معدلك لا سيمح لك بالالتحاق بال INSAT و فوق ال 12 يمكنك اختيار :
ISSAT Sousse
تقريبا نفس منهج ال Insat الدراسي يمكنك مراجعة الربط الذي وضعته فوق لمعرفة الفرق (مرحلة تحضيرية MPI) لاكن عليك ان تعرف انه لا يمكنك مقارنة هاذين المعهدين فال Insat تعتبر من افضل المعاهد في تونس و لديها العديد من النوادي المستعرف بها وطنيا فان كان باعتقادك ان ذهابك لل ISSAT هو نفسه ذهابك لل INSAT فانت حتما مخطئ و عليك ان تراجع نفسك مرة اخرى و خاصة انك لو ذهبت الى ال ISSAT مرحلة MPI لا يمكنك تغيير المعهد بعد ذلك.
و اخيرا ناتي الى نضام LMD
نظام امد او LMD اي lisence , master , doctorat المرحلة الاولى lisence تتحصل بموجبها على شهادة تقني سامي تقرى 3 سنين و تختم بمشروع تخرج اما ال master تدرس عامين و يوجد فيها نوعين master pro وهو المهني الي تزيد بيه الشهرية فقط و master de recherche وهي الاصعب و تمنح للممتازين و اذا نجحت فيها تنجم تقري maitre assistant اي استاذ مساعد وهي التي تخولك تكمل doctorat تدرس 3 سنوات
ان كان معدلك فوق ال 15 او ال 14 يمكنك اختيار :
ISI
يوجد فيها 3 شعب تطبيقية (appliqué) تخرج تقني سامي في:
lisence appliqué génie logiciel –
lisence appliqué administration réseau –
lisence appliqué informatique indistruele –
génie logiciel هي الاصعب (لمن احرزوا 15 و 16 معدل و بهين في ال algo و java script في الثانوي).. اذا تكون من 50 % الممتازين الاوائل تنجم تكمل ingénieurat في insat
administration réseau كيف كيف اذا تكون من 50 % الممتازين الاوائل تنجم تكمل ingénieurat في insat
informatique indistruele صعبة ايضا تعتمد على circuits logiques و electroniques و architectures و assembleur و كل ما يخص micro و غيره.
ان كان معدلك فوق ال 14 يمكنك اختيار :
FST
يمكنك ان تدرس لتتحصل على اجازة اساسية في علوم الاعلامية و هذه الشهادة تمكنك عمل master pro طبعا ان كنت من الاوائل
لكن كان معدليك ما يلحقكش لاي من هذه الجامعات فيمكنك اختيار
معهد منوبة لفنون الملتيميديا ISAMM
معهد المنستير العالي للاعلامية و الرياضيات ISIMM
المعهد العالي للاعلامية و الملتميديا بصفاقس ISIMS
و كل معهد من هذه المعاهد عندو اختصاصات تنجم تكون خاصة بيه كيما تنجم تكون موجودة في جامعات اخرى كيما شعب ال ISI تنجم تقها في ال ISIMM اما ديما فما اختلاف في المعهدين
كيما تنجم زادة تقرى اجازة اساسبة في علوم الاعلامية اما في المعاهد لا ذكرتهم ولا في جامعات اخرى كيما fsm .. و نصيحة اخرى مش ما تغلطوش كيما غلط اني راهوا اللي يقلك راهوا الفرق بين الاجازة اساسية و الاجازة التطبيقية انو االتطبيقية تخدم اكثر pratique راهو غالط ! في تونس سيستام القراية في الزوز احفض و صب ! تنجمو تقراو الموضوع هذا مش تعرفو اكثر الفرق : نصائح التوجيه الجامعي
و كي العادة اللي عندو استفسار ولا حاجة ينجم يخلي تعليق اسفل المقال.
0 commentaires: