Generalites: Reorientation Aout

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

أعادة توجيه :

هي عملية تعطيك الفرصة باش تبدل التوجيه متاعكم ..تصير من 30 جويلية حتى9 أوت .. و جميع الشعب فها أعادة توجيه "معدى الشعب ألي فاها اختبار" ... الشعب ألي ب TEST مافيهاش أعادة توجيه 

------------------------------------------------------------

------------------------------------------------------------

كيفاش تصير و شنية الشروط ؟

++++++++++++++++++++++++

1/أسباب عادية: 

**كل واحد فيكم يحب يبدل أختيرارتو يدخل على موقع التوجيه نهار 30 جويلية و يعمر كيما عمرتو في التوجيه العادي ...و عندك 5 اختيارات 

.**تنجم تعمر وحدة كيما تنجم تعمر الكل ..أما فما حاجة مهمة 

** لهنا تلقاو سكور آخر موجه في كل شعبة http://www.orientation.tn/orient/pdf/sd.pdf .. توا فما كان متع الدورة الأولى . بعد يتزادو ألي توجهو في دورة 2 و بعد متع دورة النهائية ...

**انتي مثال حاشتك ب اجازة أساسية في الأعلامية في المعهد العالي للاعلامية و أخر موجه مشالها سكور متاعو 150 ...كان سكورك أكثر من 150 دونك باش يقبلوك 100% و أذا سكورك أقل منغير متكسر راسك .

.** كي تجي تعمر في الموقع تلقاها كيما هكا ..فما أسباب عادية يعني بلسكور و فما أسباب صحية و أجتماعية ...بون الى حد الآن فهمت كان الاسباب العادية 

++++++++++++++++++++++++

2/اسباب صحية :

سعات واحد مينجمش يقرى بعيد خاطر مريض و لا حاجة ...وقتها يعمر في الموقع أختياراتو و يطبع وصل الاستلام بعد ميحط أسباب صحية ...و الوصل هذا يزيدو dossier médicale ...موش شهادة طبية من عند généraliste . لازم أوراق تثبت انو مريض بحاجة تخليه مينجمش يقرا بعيد و لهنا يلقا الأوراق متع الأسباب الصحية 

الأوراق الصحية :

بعد مايتحصل على الاوراق هاذم فما أوراق اخرين يزدهم لملف متاعو ألي هوما 

الأوراق :

...أما زادت موش يبدا سكورك 100 و تحط حاجة سكورها 160 .....حاجة معقولة ...و لا نفس الاختيار ألي خذيتو أما يبدا في ولايتك هكاكة يبدا عندك أكثر chance.

++++++++++++++++++++++++

3/أسباب أجتماعية:

كيما الأسباب الصحية أما معاها dossier social و في التصويرة تلقاو لوراق لازمين و نفس procedure متع أسباب صحية 

++++++++++++++++++++++++

4/كيفاش تبعث الملف الصحي أو الأجتماعي :

شوف لنا :

و لهنا ملاحظة أخرى :

++++++++++++++++++++++++

5/جماعة الشعب ألي بالاختبار :

نتيجة الاختبارات تهبط نهار 7 أوت .....يعني لو فرضنا أنق ماتقبلتش في الأختبار و لا ، تحب تبدل بعد ماتقبلت....عندك نهارين في يدك باش تعمل أعادة توجيه ....هي النتيجة تهبط نهار 7 و أخر أجل لاعادة توجيه يوم 9 

++++++++++++++++++++++++

6/ ملاحظة (الملاحظات هاذم هوما الأسئلة ألي باش تسألوهم ...دونك أقراو قبل ماتسئلو )

** في دليل التوجيه صفحة 14 و 15 و 16 تلقاو أكثر معلومات 

**موش معناها عملت dossier معناها باش يقبلوك لازم dossier يكون bien argumenté و زادت تكون حاط اختيارات معقولة موش بعيدة برشا على سكورك 

**كل فاك تخلي عدد معين لجماعة أعادة توجيه ...يعني تقرى حسابها ...موش معناها وفاو البلايص في الدورة الأولى سيا 

**تعمير على الموقع يبدا 30 جويلية و يوفا 9 أوت أما dossier تنجم تبدا تبعث من 30 جويلية حتى 10 أوت 

**أي واحد باش يعمل أعادة توجيه يعمل demande مبيت جامعي خاطر النتيجة تهبط 28 أوت و ينجمو مايقبلوكش و وقتها يفوتك أجل المبيت 

**بعد مايقبلوك في أعادة التوجيه و تحب تبطل تنجم ..تختار ترجع لشعبة الاولى ..و الأختيار يصير في موقع التسجيل الجامعي و انتي حر ...(في موقع التسجيل تلقى زوز اختيارات و انتي اختار كيما هكا )

**ألي باش يعمل أعادة توجيه ماهوش باش يفوتو حتى شي لا مبيت و لا بورص ..كل شي تو يجي في وقتو 

**ينجم موقع التسجيل الجامعي يحل في أول أوت ..و ألي باش يعمل أعادة توجيه ميعملش تسجيل خاطر هو دجا يحب يبدل ..و زادت ميعملش مطلب بورص تو ...لازمو يستنا النتنيجة ....و كي تطلع النتيجة وقتها يعمل في التسجيل و البورص ....توا يعمل كان مطلب المبيت 

** كي تعمل أنتي اختيارات و تحط أسباب صحية ...بون الأختيار الاول أكيد أكثر من سكورك و انتي معمل على المطلب الصحي باش يقبلوك...لكن أنتي تنجم تحط الاختيارات الآخرين أقل من سكورك كان حشتك باش تبدل هكاكة كان ماقبلوش الملف الصحي أهوكا تاخو الاختيارات ألي بلسكور 

**عمناول فما 1000 حالة قبلوهم بالملفات الأجتماعية و 300 حالة بالملفات الصحية و الباقي بلسكور 

**كل شيء واضح و مفهوم و تو نعاود نفسر هذا بفيديو .