10 remarques importantes pour réussir votre concours Mars 2019 | عشرة ملاحظات في غاية الأهمية للنجاح في كونكور مارس 2019

أعملتلكم فيديوات خاصة كان لرواد الموقع هذا على اليوتيوب فسرت فيه المقالات الكل ، إنزل لهنا واشترك في القناة الساعة بش تتحلك الفيديوات ++> https://goo.gl/b2XK3e ____________________________________________________________________________

ملاحظة 1 :

سلام .... أول ملاحظة نبدا بيها  بالله ألي ناوي يعمل كونكور متع أعادة توجيه ....موش يبدا قاعد و يستنى في شكون باش يعملو تسجيل و يريفزلو و يعدي في بلاصتو ...تحركو شوية ....عملنا الموقع هذا و مفسريلكم كل ..شي ...جيست أعمل بحث في الموقع علي تحب عليه... مقالاتي أنا مثلاً تحت إسم ADMIN1 حكيت على كل شي : المواد ،نصائح ، امتحانات قدم ،فين تعدي ، وقتا ...هذا الكل متاع عمناول ...و نفس الحكاية كل عام ...يزي من السوآل متع ...أنا باش نعمل كونكور كيفا نعمل ...ماو شوف شنوة موجود ساعة و اقرا ألي أنا مهبطو خوذ فكرة ..بعد كي تحب على نصائح ...حسب الحالة متاعك انتي اسئل في شكل كومنتار لوطا تلقاو صندوق التعاليق  و لا أجا على الخاص معناها أبعثلنا EMAIL عن طريق الصندوق لبجنبك اسمو CONTACT عمر الايمايل متاعك وكتب سؤالك وتو نجاوبوك انشالله....و مرحبا

ملاحظة 2 :

جيست نصحية..فما برشا مزالو مترددين ...يعديو كونكور و لا ....فما شكون هو قاعد يقر أما موش عاجبتو القراية و لا جاتو صعيبة ....ننصحو يستنى حتى يعدي الأمتحانات في جانفي ...بعد ياخو قرار ......هكاكة يزيد يعرف روحو أكثر باش يكمل في القراية هاكي و لا معاش يمشي يتلها بلكونكور

ملاحظة 3 :

حضرو رواحكم لمرج الترسيم ....فما جامعات يحبو الترسيم ب E-dinar ...فما ألي لازمك تشري mandat من poste بعد تكمل التسجيل في الموقع ...فما ألي لازمك تشري mandat من poste و تحتها كيما هي في الجواب ...فما ألي لازم تخرج الورقة و تعمرها بلستيلو فما ألي لازم تعمر على الموقع ....فما ألي ماعندك ألحق كان في اختيار واحد كيما منوبة .. ألي مرسم لازمو شهادة ترسيم و ألي ماهوش مرسم تصريح على شرف و ألي عامل عام أبيض سحب تسجيل ...و .ههه ماتفجعوش تو كل شي موجود في الموقع متاعنا أعمل بحث أكهو

ملاحظة 4 :

في كونكور أعادة توجيه فما تكتييك ....أما تكتيك هذا يكون مختلف انتي و الطالب ...مثال الطلبة ألي يحبو على الطب أو شبه طبية و هوما دجا يقراو في قرايتهم لازم يعديو 4 كوكورات ...سوسة و تونس و صفاقس و مستير ...و ألي يحبو طب أو شبه طبية و عاملين عام أبيض و لا معادش يمشيو يقراو و لا ميحبوش يكملو في قرايتهم لازم يعديو مثال طب في زوز بلايص ...و يعديو حاجة أخرى مثال أعلامية أو اقتصاد أو حقوق في جامعة تكون أفضل من غيرها في المجال هكا ...و هكاكة كان مختفتلوش في الطب اوشبه طبية يلقى حاجة أخرى ....زادت فما حالات أخرى متع تكتيك ...بون ما نجمش نفسرهم الكل ..أما أعرفو كيفا تصرفو و نجم نعاونكم ... إكتب تعليق لوطا وإلا أبعثلنا EMAIL تو نعاونوك بالتوفيق

ملاحظة 5 :

يمكن أنا كي وضحت الكونكور و فسرت فيه كل شي ....العباد تشجعت باش تعديه و العدد زاد ..الحاجة الخايبة في الحكاية انو باش تلقى برشا باش يعديو برشا كونكورات و ينجمو ينجحو فاهم ..ينجم واحد ينجح في شعبة الطب في 4 بلايص ..تونس ، سوسة صفاقس و مستير ..و بعد باش يختار بلاصة بركا أكيد أما بلاصتو في الفكات لخرين يمشيو في الهواء ...و نعرف بشا حالات كيما هكا كل عام

ملاحظة 6 :

فما حاجة محكيتش عليها فالموقع...هيا بعد ماتبعثو vos dossier أول مارس ولا جمعة ثانية متع مارس...تلقاو فال سيت convocation متاعكم...تلقى فيها وقتا و فين تعدي و لازم تكون معاك وقتلي تعدي....و إذا مالقيتش convocation متاعك أعرف إلي ton dossier refusée دونك ...ردوا بالكل تغلطو فال inscrit....راهي délicat لحكاية 

ملاحظة 7 :

صحيح فما عباد ماعندهاش PC و معندهاش انترنات ، لكن الانترنات حاجات ضرورية لاعادة توجيه و متنجمش تكون مطلع على كل مايخص أعادة توجيه منغير انترنات لذلك فما حاجة اسمها ببلينات و لا تمشي حذا صاحبك أو صحبتك ...و كان تسكن في بلاصة مافهاش كونكسيون موش مشكل أعادة توجيه تقعد أكثر من 20 يوم ...ضهاهرلي تنجم تلقى نهار باش تتلها بلحكاية ، و أعادة توجيه متستحقش برشا فلسفة و تخلويض ....كي يقلك مثال ""نسخة من شهادة الباك "" تعمل نسخة عادية و كي يقلك ""نسخة مطابقة لاصل " تعمل تسخة مطابقة لاصل ..يعني تفلسيف الزايد لا ،تبع الكلام ألي قلتو أنا بالحرف في الموقع و ألي مكتوب في البلاغ ، و في مقالاتي تحت إسم ADMIN1 و الملاحظات ألي نعطيهم ....، دونك كل شي موجود قدامك و أنا وفرتهولك ماعليك كان تبع ألي موجود ...أما أنك لا تحل PC و لا تحل مقال و لا تحل موقع و لا تقرى شنوة نكتب ولا تكتب تعليق لوطا ومبعد تبعثلنا ايمايل  و تحب في نفس الوقت تفهم أعادة توجيه هكاكة نقولك ماتعملش ..العباد ألي بربشة في الموقع هذا  و ركزت فيه لاخر و تبعت كلامي أمورها واضحة ، و العباد ألي معملة حتى مجهود و يستنى فيا أنا و لا في غيرو باش يعملو التسجيل نقلو فيق على روحك و أعمل شوية مجهود و بالنسبة لل 250 ميساج ألي عندي في E-MAIL .كان ما لقيتش جواب منا  أعرف انو الأجابة موجودة في أحد المقالات  ، أو راك قاعد تتفلسف ، و بخصوص الأخطاء في مواقع التسجيل تحمل فيهم مسئوليتك ، خاطر أنا نبهت و قلت قبل ماتعمر ثبت مليح و تريث ...و ماعليك كان تصل بالجامعة عبر الهاتف يشوفولك حل ، و اذا فما حاجة موش واضحة و لا أنا نسيت ماوضحتش حاجة وقتها مرحبا إتنجم تكتب تعليق لوطا أتو نجاوبك بسم الصفحة الرسمية متاعنا عل فيسبوك  و شكرا .

ملاحظة 8 :

خلي انقولها من تو...كي تجي تعمروا فالسيت ....جربوا ساعة par un faux num cin... بش تعرف كيفاه ياسر التعمير بش مبعد متغلطش و متنجمش تصلح و تبدى تتشكى و تتبكى....

ملاحظة 9 :

أول وحدة حلت التسجيل عمناول هي المنار ....يوم 6 جانفي ...دونك حضرو رواحكم التسجيل في الونكور على الأبواب

ملاحظة 10 :

طلبوا منك نسخة مطابقة للاصل مش نسخة فقط يعني تهزها بعد ما تطبعها للبلدية